शुक्रबार, चैत्र १६, २०८०

प्रहरी हिरासतमा मृत्यु प्रकरण प्रति: आयोगको ध्यानाकर्षण

काठमाडौ भाद्र १८,   राष्ट्रिय मानव अधिकार आयोगले बाँके जिल्लाका ३० वर्षीय राममनोहर यादवको प्रहरी हिरासतमा मृत्यु भएको घटनाप्रति गम्भीर ध्यानाकर्षण भएको जनाएको छ । 

आयोगका प्रवक्ता मोहना अन्सारीले आइतबार जारी गरेको प्रेस विज्ञप्तिमा उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवको उपस्थितिमा बर्दियामा आयोजित एक कार्यक्रमबाट राज्यविरुद्धको आरोपमा यही भाद्र ७ गते पक्राउ गरिएका यादवको उपचारका क्रममा प्रहरी हिरासतमा मृत्यु भएकोप्रति गम्भीर ध्यानाकर्षण भएको उल्लेख गरिएको छ । त्यस्तै विज्ञप्तिमा कुनै पनि व्यक्तिलाई पक्राउ गरेपछि प्रभावकारी स्वास्थ्य परीक्षण गर्नुपर्ने एवं थुनामा रहँदा शारीरिक वा मानसिकरुपमा बिरामी परेमा शीघ्र प्रभावकारी स्वास्थ्योपचारको व्यवस्था गरी व्यक्तिको जीवनको अधिकार संरक्षण गर्ने गराउने कार्यमा संवेदनशील हुन आयोग सरकारको ध्यानाकर्षणसमेत गराएको छ । 

यादवसँगै पक्राउ गरी हिरासतमा राखिएका अन्यको अवस्था सम्बन्धमा अनुसन्धान प्रारम्भ  आयोगले शुरु गरको र पीडितले घटनाको निष्पक्ष छानबिन गरी दोषीलाई कारवाही र पीडितलाई क्षतिपूर्ति प्रदान गर्न माग गर्दै आयोगका अध्यक्ष अनुपराज शर्मालाई आज ज्ञापनपत्रसमेत बुझाएका छन् । आयोगका अध्यक्षले शर्माले घटनाको सत्यतथ्य छानबिन गरी प्रतिवेदनका आधारमा आवश्यक कार्यवाही अघि बढाइने प्रतिबद्धता व्यक्त गर्नुभएको छ । 

तपाईं फेसबुकयुट्युव मार्फत् पनि हामीसंग जोडिन सक्नुहुन्छ ।