नुवाकोट पौष १३, संविधानसभाको निर्वाचनमा उम्मेदवारी दिएकामध्ये अहिलेसम्म २४ उम्मेदवारले निर्वाचन खर्च निर्वाचन आयोगमा बुझाएका छन् ।प्रत्यक्षतर्फका उम्मेदवारले मत परिणाम सार्वजनिक भएका ३५ दिनभित्र सम्बन्धित निर्वाचन कार्यालयमा निर्वाचन खर्च विवरण पेस गर्नुपर्ने कानुनी प्रावधान अनुरुप उम्मेदवारहरुले आ.आफ्नो निर्वाचन क्षेत्रमा भए गरेका खर्च विवरण बुझाएको हो ।
यसैक्रममा नुवाकाट क्षेत्र नं १ का काँग्रेस उम्मेदवार अर्जुननरसिंह केसीले निर्वाचनमा रु नौ लाख ९९ हजार ८ सय र क्षेत्र नं २ का काँग्रेसका उम्मेदवार रामशरण महतले रु नौ लाख ८० हजार रुपैया खर्च भएको विवरण पेस गर्नुभएको छ भने क्षेत्र नं ३ का कांग्रेसका बहादुरसिंह लामाले रु नौ लाख ९९ हजार ५ सय खर्च भएको विवरण पेस गर्नुभएको जिल्ला निर्वाचन कार्यालयलाई उदृत गर्दै प्राप्त समाचारमा जनाएको छ ।