कलाकार नयनले मनाए असाहय बृद्धबृद्धाहरुसंग आफ्नो जन्मदिन

काठमाडौं बैशाख २८, मोडल तथा कलाकार नयन डिसीले अनाथ बालबालिका तथा असाहय बृद्धबृद्धाहरुलाई भोजन खुवाएर र केक काटेर विहिवार जन्मदिन मनाएका छन् ।  बुढानिलकन्ठ डाडागाउँमा अबस्थित अनाथ असाहय बाल सुधार समाजमा आश्रित ३७ जना बालबालिका तथा मानब सेवा आश्रम सामाखुशीमा आश्रित करिब ४० जना बृद्धबृद्धालाई उनले खाना खुवाएका हुन् । खानाका साथै केक खुवाएर उनले नाचगान समेत गरे ।

बर्षेनी फरक तरिकाले जन्मदिन मनाउँदै आइरहेका नयनले उक्त आश्रममा पुगेर अन्य खाद्यन्न सामाग्री वितरण गरेर सबैसँग नाचगान गर्दै जन्मदिन मनाएका हुन । एरोविक डान्सका प्रशिक्षक समेत रहेका नयनले करिब ४५ म्यूजिक भिडियोमा अभिनय गरिसकेका छन् ।

कलाकार, पत्रकार, समाजसेवी तथा शुभेच्छुकहरुका साथ अनाथलय तथा आश्रममा पुगेका नयनले जन्मदिनमा केही नयाँ सन्देश प्रवाह गर्न खोजेको बताए । ‘हाम्रो सानो सहयोगले अनाथ तगा बेसाहाराहरुको मुहारमा थोरै भएपनि मुस्कान ल्याउने प्रयास गरेको हुँ, उनले भने ।

भर्खरै म्यूजिक भिडियो निर्देशनमा समेत हात हालेका नयनले जन्मदिनको अवसरमा साथीहरुसँग रमाइलो तथा विलासितामा खर्च उडाउनु भन्दा अशक्त आमाबुवा तथा बालबालिकासँग जन्मदिन मनाउँदा आफूलाई छुट्टै खुशी मिलेको अनुभव सुनाए ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।